أحس الكلام كنه ينهزم من أقوالي
وكنه يفز مرعوب من إني أختاره
حتى الشعر ملني وعافني بحالي
وقصيدي كالحمار حامل أسفاره
ما عاد يشفيلي جرح حبيب غالي
ولا يخفف على قلبي طعم الخسارة
أحسنلي أكتم حسرتي وأنهي آمالي
وسيبك حبيبي ترتاح وأرتاحلي تارة


لولا الحبر والورق

لولا الحبر والورق وحروفي
لولا الدمع وأهلي وخلاني
كان الألم دمر كل وصوفي
وظليت لوحدي بالدنيا أعاني
الناس ما تدري وش ظروفي
وما تدري إن البعد أذاني


ليتني أنسى

تمنيتا أنساك وإنت مو بناسي
المنية فرقتنا وماقدر ألاقيك
أتحدى شعوري ووحدتي وياسى
وإنت بعيد وبقلبي أخليك
أحاول أنساك وأنت كل ناسي
واشتقت لشوفتك وضحكتك تحليك


قلبي تأثر

أبكتب شعوري وياناس مليت
جرح الحب تراه فيني أثر
حاولت أحب ثاني وما لقيت
وأحس روحي بكل حب أتعثر
أي كلمة عشق منها ما نسيت
ومن بعدها دمي بقلبي تخثر


الليل

الليل والكاس والدمع والذكرى
ودمعة وابتسامة ووجهها مقابلني
ماظل لي حد يسمع مني الحسرة
وما ظل لي حد بجرحي يجاملني
ملني الحبر والورق وراحت السكرة
أشكي لله عذابي وهمي المسهرني
ليتني أشوف ضحكتك بس ولو مرة
وبعدها انطرش وتنطفي عيني
حتى تبقى صورتك ببالي آخر نظرة
وبعد صوتك ما أسمع شي ينسيني


ذكريات مرة

أذكر بوقت الفجر كنتي تصحيني
وتقولي صل قبل ما عليك يصلون
تضحكي وتقولي أحبك يا بعد عيني
ماعرفتي إني بعدك صرت مجنون
عليكي صليت وقلبي يعزيني
وسجنك قبر وبحبك أنا مسجون
تمنيت لو لحظة تجي وتواسيني
ويا زين الموت لو سوى فيه نكون

وسلامتكم